Këndezi dhe Kapllani vulosin suksesin e Devollit në shtëpi

Devolli ka bërë detyrat e shtëpisë duke marrë një fitore mjaft bindëse ndaj ekipit të Eagle Football me rezultatin 2-1. Në një lojë të dominuar totalisht nga vendasit, këta të fundit patën raste të shumta për shënim në pjesën e parë, por goli do të vinte vetëm në minutën e fundit të kësaj pjese, me autor Këndezin.

Në pjesën e dytë, devollinjtë e nisën ndeshjen me të njëjtin ritëm, duke rrezikuar disa herë dhe duke goditur dy herë traversën. Goli i dytë do të shënohej nga Kapllani, duke thelluar avantazhin e vendasve.

Në minutën e fundit të shtesës, miqtë arritën të shkurtonin diferencën me anë të Hysenllarit, por pa mundur të ndryshonin fatin e ndeshjes.

Kështu, Devolli merr fitoren e dytë radhazi dhe ngjitet në kuotën e nëntë pikëve, duke synuar javë pas jave të jetë mes katër ekipeve të kreut të Grupit B.

"KORCA BOOM"