Fitorja e merituar: Maliqi dominon dhe rrëzon Këlcyrën 3-1

Maliqi ka treguar forcë karakteri dhe një paraqitje shumë të mirë ndaj ekipit të Këlcyrës, duke marrë një fitore të merituar me rezultatin 3-1. Miqësorët e nisën ndeshjen më mirë, por ishte Ibrahimi ai që zhbllokoi sfidën dhe hapi serinë e golave për skuadrën vendase.

Në pjesën e dytë, Këlcyra arriti të rikthehej në lojë, duke barazuar rezultatin në minutën e 66-të me anë të Yakabykut. Barazimi zgjati pak, pasi Maliqi reagoi menjëherë dhe në vijim të lojës ishte Demollari ai që riktheu skuadrën vendase në avantazh.

Në minutën e 90-të, Ibrahimi shënoi golin e dytë personal dhe të tretin për Maliqin, duke vulosur kështu një fitore të pastër dhe shumë të rëndësishme për skuadrën, e cila vazhdon të qëndrojë në garë për pozitat e kreut.

Maliqi tregon formë dhe vendosmëri, ndërsa kjo fitore e radhit më lart në renditje dhe i jep besim për ndeshjet e ardhshme.

"KORCA BOOM"