top of page

Ambasada amerikane: Aplikoni tani për vizë për Kupën e Botës 2026

  • Writer: Korca Boom
    Korca Boom
  • 1 hour ago
  • 1 min read

Kupa e Botës 2026 do të zhvillohet për herë të parë në tre shtete: SHBA, Kanada dhe Meksikë, nga 11 qershori deri më 19 korrik 2026. Në prag të këtij eventi madhor, Ambasada e Shteteve të Bashkuara në Tiranë ka bërë një thirrje të rëndësishme për të gjithë qytetarët shqiptarë që dëshirojnë të udhëtojnë për të ndjekur ndeshjet në kontinentin amerikan.


Ambasada njofton se procesi i aplikimit për vizat amerikane është i hapur dhe se të interesuarit duhet të aplikojnë sa më shpejt, për të shmangur vonesat që mund të krijohen për shkak të fluksit të madh të kërkesave.


“Shtetet e Bashkuara po mundësojnë udhëtime të sigurta dhe të mbrojtura për sportdashësit ndërkombëtarë që janë të interesuar të vijnë në Shtetet e Bashkuara për Kupën e Botës FIFA 26™, dhe jemi plotësisht të përgatitur për të përpunuar aplikimet për vizat e vizitorëve. Ne i inkurajojmë udhëtarët e huaj që kanë nevojë për viza amerikane të aplikojnë tani”, thuhet në njoftimin e ambasadës.


Interesi i tifozëve shqiptarë pritet të jetë edhe më i lartë pas suksesit të Kombëtares, e cila, pas fitores në transfertë ndaj Andorrës dhe humbjes së Serbisë në fushën e Anglisë, ka siguruar për herë të parë në histori kualifikimin në fazën play-off të Botërorit.


Me mundësinë reale që Shqipëria të jetë pjesë e këtij Botërori historik, ambasada u bën thirrje të gjithë tifozëve të veprojnë me kohë për të përgatitur dokumentacionin e udhëtimit.

"KORCA BOOM"

ree

bottom of page