DEVOLLI merr "frymë"/ Mbështetje rekord për klubin

Devolli e nis sezonin e ri me një lajm pozitiv në aspektin financiar. Në mbledhjen e fundit të këshillit bashkiak, është miratuar rritja e buxhetit vjetor për skuadrën që garon në Kategorinë e Dytë.

Shtesa prej 2 milion lekësh të rinj e çon totalin e buxhetit në 12 milion lekë të rinj për sezonin futbollistik 2025–2026. Kjo rritje konsiderohet një mbështetje e rëndësishme për skuadrën, si në përgatitjet e saj, ashtu edhe në përballimin e kostove të sezonit.

Presidenti i klubit, që njëkohësisht është edhe kryetari i bashkisë Eduard Duro, ka shprehur mundësinë që në muajin janar të ketë një tjetër rritje të buxhetit, nëse ekipi tregon rezultate pozitive dhe përmbush objektivat.

Ky angazhim institucional vlerësohet si një hap i rëndësishëm për forcimin e klubit dhe për mbështetjen e të rinjve në sportin e futbollit.

“KORÇA BOOM”