Dinamo shfrytëzon kartonët e kuq, ndëshkon Flamurtarin në krizë totale

Dinamo 2–0 Flamurtari

45’+3′ Guindo, 74′ Nani

Dinamo ka marrë një fitore të rëndësishme në kryeqytet ndaj Flamurtarit, duke e shfrytëzuar maksimalisht krizën dhe episodet e pazakonta që shoqëruan takimin.

Vlonjatët rezistuan për rreth 30 minuta, por pas dëmtimit të Çantakias dhe zëvendësimit të tij me Veigas, gjithçka mori tjetër rrjedhë. Ky i fundit u ndëshkua me karton të kuq vetëm pak sekonda pas futjes në fushë, pas një ndërhyrjeje të ashpër ndaj Guindos.

Me një lojtar më shumë, Dinamo shtoi presionin dhe arriti të zhbllokojë rezultatin në fundin e pjesës së parë me një gol të Guindos.

Pjesa e dytë nisi me të njëjtin ritëm, dhe në minutën e 74-të, Nani dyfishoi pas një aksioni të shpejtë në krah. Flamurtari, në tentativë për të reaguar, përjetoi një tjetër moment të pakëndshëm: Ferruku, sapo futur në lojë, u ndëshkua direkt me karton të kuq për një goditje ndaj portierit.

Përkundër baraspeshës numerike, vlonjatët nuk arritën të reagojnë, dhe Dinamo ruajti rezultatin, duke marrë tre pikët që e ngjitin më lart në renditje. Flamurtari mbetet i fundit në tabelë, i zhytur thellë në krizë.

“KORÇA BOOM”