E dashura e futbollistit argjentinas zbulon sekretin, çfarë u dhuroi Messi 25 lojtarëve pas Botërorit

Lionel Messi vazhdon të dëshmojë se është një lider i vërtetë, jo vetëm në fushën e lojës, por edhe jashtë saj.

Kapiteni i Argjentinës ka bërë një tjetër gjest mirënjohjeje për 25 shokët e skuadrës, me të cilët ndau rrugëtimin në Kupën e Botës.

Detajet e këtij momenti u zbuluan në TikTok nga Kelci-Rose Bowers, futbolliste e Bournemouth dhe partnerja e mbrojtësit argjentinas Marcos Senesi.

Çfarë përmbante dhurata e Messit?

Sipas videos së publikuar, secili prej futbollistëve mori një paketë të personalizuar, e cila përfshinte:

Një çantë shpine zyrtare, të personalizuar me emrin e secilit lojtar.

Një set për përgatitjen e "Mate", pija tradicionale argjentinase që është pjesë e pandashme e kulturës së skuadrës.

Një shishe premium Stanley, në ngjyrë të artë, e personalizuar me logon zyrtare të Lionel Messit.

Ky nuk është rasti i parë që Messi surprizon bashkëlojtarët me dhurata të veçanta. Sulmuesi argjentinas njihet për gjeste të tilla, të cilat synojnë të forcojnë frymën e grupit dhe marrëdhëniet brenda ekipit.

Videoja e publikuar nga Bowers u përhap me shpejtësi në rrjetet sociale, duke grumbulluar mijëra pëlqime dhe shpërndarje, ndërsa vlerësimet për gjestin e kapitenit të "Albiceleste" nuk munguan./ Pamfleti

“KORÇA BOOM”