top of page

E FUNDIT/ Plas kanabisi në Korçë: Arrestohet 21-vjeçari në lagjen 8-të, një tjetër procedohet penalisht

  • Writer: Korca Boom
    Korca Boom
  • Jul 16
  • 1 min read

Korçë


Finalizohet operacioni policor i koduar “Split”, për goditjen e veprimtarisë kriminale të shitjes së lëndëve narkotike, në doza.


Shiste doza kanabisi, në lagjen nr. 8, kapet në flagrancë me doza kanabisi dhe vihet në pranga 21-vjeçari.


Procedohet penalisht një 29-vjeçar pasi u kap në flagrancë me doza kanabisi që ia kishte blerë 21-vjeçarit.


Specialistët për Hetimin e Narkotikëve të DVP Korçë, në vijim të punës për parandalimin dhe goditjen e veprimtarisë kriminale të shitjes së lëndëve narkotike, në doza, organizuan dhe finalizuan në bashkëpunim me Forcën e Posaçme "Shqiponja", operacionin policor të koduar “Split”. Në kuadër të këtij operacioni:


-u arrestua në flagrancë shtetasi F. L., 21 vjeç, banues në Korçë, i cili dyshohet se shiste doza të lëndës narkotike kanabis, në lagjen nr. 8, Korçë. Gjatë kontrollit fizik, atij iu gjetën doza kanabisi të gatshme për shitje;


-u referuan materialet në Prokurori ku nisi procedimi në gjendje të lirë për shtetasin M. K., 29 vjeç, banues në Korçë, pasi u kap në flagrancë me doza kanabisi që dyshohet se ia kishte blerë 21-vjeçarit.


Në cilësinë e provës materiale u sekuestruan dozat e kanabisit, 1 celular dhe një shumë parash e dyshuar e përfituar nga kjo veprimtari kriminale.


Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme, për veprën penale “Prodhimi dhe shitja e narkotikëve”.


“KORÇA BOOM”

ree

bottom of page