E FUNDIT/ Mbyllen miqësoret për Skënderbeun. Ja axhenda në prag të Burrelit!

Skënderbeu ka mbyllur edhe këtë javë të parafundit të përgatitjeve për sezonin e ri dhe trajneri Ernest Gjoka sot dhe nesër ka lënë pushim të tijtë.

Pas një faze përgatitore të gjatë skuadra bardhekuqe ditën e djeshme ka zhvilluar një test me Skënderbeun U-19, ndeshje e cila i shërbeu trajnerit Gjoka për të vendosur pak a shumë për lojtarët që do të zbresë në fushë më 23 gusht në ndeshjen e parë ndaj Burrelit. Tashmë është zyrtare që ndeshja e parë do të luhet të shtunën e ardhshme, pra një javë më vonë dhe do të startojë në orën 20:00, pra nën dritat e projektorëve.

Në këtë mënyrë Skënderbeu mbylli këtë fazë përgatitore me katër ndeshje miqësore, me dy fitore, një barazim dhe një humbje. Me shumë lëvizje nga merkatoja vjen skuadra juglindore, ndërkohë që tashmë të gjithë e kanë mendjen te ndeshja hapëse për të parë edhe prezantimin e parë të skuadrës.

Ndërkohë që dita e sotme dhe e nesërme do të jenë dy ditë relaksi dhe pushimi për Skënderbeun, stërvitja e radhës do të jetë të hënën, me startin e përgatitjeve javore të kampionatit të ri kombëtar për kategorinë e parë.

4 Ndeshjet miqësore të zhvilluara gjatë fazës përgatitore:

Skënderbeu-Struga          0-4

Shënues: Basiru Kompaore 18′, 20′, 38′, Dumfur 30′ (autogol)

Skënderbeu-Besa            3-1

Shënues: Ukiçi 53’, Tayo 67’, Gjini 90’/ Çinedu 18’

Pogradeci-Skënderbeu   0-2

Shënues: Janaqi 11’, Rodriguez 73’ (aut)

Skënderbeu-Vora              0-0

“KORÇA BOOM”