Egnatia dështon në përpjekjet për barazim, Elbasani fiton me 1-0

Elbasani mposhti Egnatian me rezultatin minimal 1-0 në ndeshjen e vlefshme për javën e 11-të në Superiore. Goli i vetëm për verdheblutë erdhi nga Tsague në minutën e 66-të. Rrogozhinasit u goditën në fillimin e pjesës së dytë, kur Haime mori kartonin e dytë të verdhë dhe u përjashtua nga loja.

Pavarësisht përpjekjeve të Tetovës dhe skuadrës së tij, Egnatia nuk arriti të barazonte shifrat. Kjo është fitorja e katërt radhazi për Elbasanin pas triumfeve ndaj Bylisit, Tiranës, Flamurtarit dhe tani Egnatias. Me këtë fitore, verdheblutë barazojnë Vllazninë me 23 pikë, duke udhëhequr kampionatin, ndërsa Egnatia renditet në vendin e tretë me 19 pikë.

Ngjarjet kryesore:

• 66′ GOOOL ELBASANI 1-0: Loukili harkon drejt zonës për Tsague, i cili godet me kokë dhe tund rrjetën e Egnatias.

• 47′-49′ Haime ndëshkohet me të kuq pas një faulli ndaj Loukilit. Vendimi konfirmohet nga VAR.

• 90’+6′ Mbyllet ndeshja, fiton Elbasani!

  
  

Skuadra e trajnerit Gvozdenoviç tregoi karakter dhe vendosmëri gjatë gjithë ndeshjes, duke krijuar raste të shumta për shënim, ndërsa mbrojtja e fortë dhe disiplina taktike e mbajtën Egnatian larg golit.

Formacionet zyrtare:

Elbasani: Janaçek, Olberkis, Lulaj, Tsague, Loukili, Lajthia, Ibrahim Abas, Manellari, Musta, Qose, Dialo

Trajner: Ivan Gvozdenoviç

Egnatia: Dajsinani, Aleksi, Fernando, Albaneze, Ndreca, Selmani, Jahaja, Xhemajli, Haime, Kryeziu, Sota

Trajner: Edlir Tetova

"KORCA BOOM"