EKSKLUZIVE/ Zbulohen miqësoret e Skënderbeut. Nga Vora, Luftëtari, Pogradeci etj, ja kur luhen!

Në këto momente portali ynë “Korça Boom” zbulon pesë miqësoret që do të zhvillojë Skënderbeu gjatë kësaj faze përgatitore dhe mbetet edhe një e fundit për t'u zbuluar në javët në vazhdim.

Gjithsesi 5 miqësore tashmë janë zyrtare dhe bie në sy se 4 ndeshje miqësore do të jenë me kundërshtarë të kategorisë së parë, ndërkohë që vetëm Vora është ekipi që do të përballet me Skënderbeun dhe është skuadër e superligës.

Tashmë testi i parë miqësor është zyrtarizuar qysh dje dhe do të jetë nesër, pra të shtunën në orën 19:00 dhe do të luhet ndaj Strugës, skuadër që drejtohet nga Bledi Shkëmbi.

Më pas në datën 2 gusht Skënderbeu do të ketë përballë Besën në stadiumin “Skënderbeu”. Pak ditë më vonë dhe pikërisht më 6 gusht do të jetë dita e derbit të juglindjes, pasi Pogradeci-Skënderbeu është testi i radhës miqësor dhe do të luhet në qytetin e liqenit.

Në datën 9 gusht zbulohet testi i katërt miqësor dhe do të jetë Vora, skuadra e superligës që do të jetë përballë bardhekuqve. Në datën 12 gusht Luftëtari, një tjetër rival i kategorisë së parë do të jetë testi i pestë.

Sips klubit bardhekuq Skënderbeu do të zhvillojë pas këtyre testeve edhe një ndeshje të gjashtë miqësore, por që akoma nuk është gjetur kundërshtari.

Pesë ndeshjet miqësore të zyrtarizuara deri tani:

26 korrik       Skënderbeu-Struga           (Ora 19:00)

2 gusht          Skënderbeu-Besa

6 gusht          Pogradeci-Skënderbeu

9 gusht          Skënderbeu-Vora

12 gusht        Skënderbeu-Luftëtari

“KORÇA BOOM”