EKSKLUZIVE: 100 mijë euro për “diamantin” e Skënderbeut/ Lëvizje e fortë e Partizanit!

Sulmuesi i Skënderbeut, Bismark, është në qendër të vëmendjes së merkatos. Fillimisht u përfol se kishte marrë një ofertë nga Vllaznia, por së fundmi në garë është futur me seriozitet edhe Partizani.

Klubi i kuq ka bërë hapin konkret duke paraqitur një ofertë zyrtare për 24-vjeçarin ganez, dhe sipas burimeve pranë klubit, vlera e ofruar për kartonin e tij është 100 mijë euro. Kjo shifër tregon qartazi vlerësimin që Partizani i bën sulmuesit, i cili ka spikatur në sezonin e fundit me fanellën e Skënderbeut.

Tashmë mbetet për t’u parë nëse kjo shumë do të konsiderohet e mjaftueshme nga klubi korçar, apo nëse Skënderbeu do të kërkojë më shumë për një prej lojtarëve më të spikatur në repartin ofensiv.

Gjithsesi, interesi i Partizanit sinjalizon qartë synimet e klubit për të përforcuar skuadrën me lojtarë me potencial dhe eksperiencë në Superiore.

“KORÇA BOOM”