EKSKLUZIVE/ Braziliani mungon në stërvitje. Gati transferimi në një klub të huaj!
- Korca Boom
- Aug 9
- 1 min read
Situata e futbollistit brazilian të Skënderbeut, Luquinhas është kthyer në një pikëpyetje serioze në këtë fazë të merkatos verore. Prej disa ditësh, lojtari nuk është parë në asnjë nga stërvitjet e ekipit korçar, si dhe ka munguar në ndeshjet miqësore që skuadra ka zhvilluar gjatë përgatitjeve parasezonale.
Burime pranë klubit kanë bërë me dije se është shumë e mundur që lojtari të largohet nga skuadra gjatë kësaj merkatoje, që aktualisht mbetet e hapur.
Emri i tij është përfolur për një transferim të mundshëm në kampionatin aziatik, më konkretisht në Indonezi, edhe pse deri në këto momente nuk ka asnjë konfirmim zyrtar nga ana e Skënderbeut apo përfaqësuesit të lojtarit.
Luquinhas ishte një nga elementët që u pa me sy pozitiv gjatë fazës së dytë të sezonit të kaluar, dhe ndonëse nuk pati ndonjë impakt të jashtëzakonshëm në rezultatet e skuadrës, prania e tij në fushë kishte sjellë alternativa të nevojshme në repartin ofensiv.
“KORÇA BOOM”



















