EKSKLUZIVE: Rihapen bisedimet për transferimin e Bismarkut, mësoni cili ekip është në “lojë”

U kërkua me ngulm që Bismark të ishte pjesë e Vllaznisë për ndeshjet në kompeticionet europiane, dhe korçarët ia plotësuan dëshirën ekipit shkodran duke e huazuar sulmuesin. Megjithatë, më vonë, ishte stafi teknik i Vllaznisë që kërkoi ta kishte në dispozicion edhe për sezonin futbollistik 2025-2026.

Nga sa mësohet, kërkesa financiare e Skënderbeut për transferimin përfundimtar të Bismarkut është dukur e lartë për drejtuesit shkodranë, dhe për një moment u mendua se pista mund të ishte mbyllur.

Por, zhvillimet e fundit kanë rihapur gjithçka. Sipas burimeve të afërta me klubin, ka qenë këmbëngulja e trajnerit Efi Martini që ka rikthyer në tryezë bisedimet mes palëve.

Tashmë mbetet për t’u parë nëse do të ketë një marrëveshje për shumën financiare që duhet të pranojnë të dyja klubet, në mënyrë që sulmuesi të qëndrojë në Shkodër për sezonin e ri.

“KORÇA BOOM”