EKSKLUZIVE/ Skënderbeu merr vendimin për egjiptianin. Ja çfarë do të ndodhë!

Lajmi më i fundit zbulohet sërish nga portali ynë “Korça Boom”. E gjithë vëmendja gjatë këtyre ditëve dhe fjalët e shumta, që Saleh Nasr ka kërkuar dhe mund të largohet nga Skënderbeu, marrin përgjigjen përfundimtare në këto momente.

Egjiptiani Nasr zbulohet se nuk do të largohet nga Skënderbeu dhe këtë e konfirmojnë burime pranë klubit bardhekuq. Të njëjta burime bëjnë me dije se sot, në seancën e radhës stërvitore, Nasr do të jetë nën urdhërat e Ernest Gjokës dhe në këtë mënyrë duket se dilemat për të kanë marrë fund.

Kujtojmë që Saleh Nasr, pati një moment jo të mirë javën e kaluar, ku pati një sherr me persona të tjerë, por gjithçka është mbyllur dhe mosmarëveshjet tashmë janë mbyllur dhe çdo gjë është kthyer si më parë. Saleh Nasr do të jetë në stërvitje dhe ky është një lajm vërtet pozitiv, ndërkohë që dihen vlerat e mëdha që ka egjiptiani.

Klubi “Skënderbeu” mund të lëshojë dy sulmuesit që janë në fokus, si, Nasr apo Bismark vetëm nëse vijnë oferta të majme financiare, ndërkohë që deri tani nuk ka asnjë ofertë konkrete dhe në këtë mënyrë dy emrat që janë në fokus konfirmohen që do të qëndrojnë te Skënderbeu. Se çfarë mund të ndodhë në vazhdim, kësaj nuk i dihet.

Gjithsesi e rëndësishme është që Saleh Nasr do të jetë sot në stërvitje me ekipin dhe ky është një lajm më shumë se pozitiv për skuadrën dhe gjithë tifozërinë bardhekuqe.  

“KORÇA BOOM”