Formalizimi i tregtisë bujqësore – nis kontrolli për faturimin e produkteve ushqimore

👉🏻 Ditën e sotme ka nisur zbatimi në terren i një aksioni të përbashkët mes Ministrisë së Bujqësisë dhe Zhvillimit Rural, Ministrisë së Financave dhe administratës tatimore, me fokus në formalizimin e ekonomisë bujqësore dhe blegtorale.

📌 Qëllimi kryesor i kësaj nisme është sigurimi i faturimit të detyrueshëm tatimor për çdo produkt bujqësor apo blegtoral që del në treg, duke përmirësuar ndjeshëm gjurmueshmërinë, sigurinë dhe transparencën në zinxhirin ushqimor.

✅ Nisma synon të garantojë:

• sigurinë mbi origjinën dhe përbërjen e produkteve ushqimore

• mbështetje fiskale për fermerët që zgjedhin të formalizohen

• rritjen e konkurrueshmërisë së produkteve shqiptare në tregun vendas dhe atë të eksportit

📌 Pikat kryesore të këtij procesi përfshijnë:

• çdo operator i biznesit ushqimor, përfshirë fermerët që shesin produktet e tyre, do të jetë i detyruar të lëshojë faturë tatimore për çdo shitje

• faturimi elektronik (e-fatura) do të jetë forma standarde e raportimit, duke ndihmuar në uljen e informalitetit

• subjektet që tregtojnë produkte ushqimore pa faturë do të jenë objekt kontrolli dhe do të ndëshkohen sipas parashikimeve të ligjit nr. 9920, datë 19.5.2008 “Për procedurat tatimore”

Ky proces do të vijojë në mënyrë të vazhdueshme, me synimin për të ngritur një ekonomi më të formalizuar, më të drejtë dhe më konkurruese, si për prodhuesit ashtu edhe për konsumatorët shqiptarë.

“KORÇA BOOM”