top of page

FT Skënderbeu-Devolli mbyllet miqësorja në Korçë/ Ja çfarë ka ndodhur në 90 minuta!

  • Writer: Korca Boom
    Korca Boom
  • Sep 5
  • 2 min read

Skënderbeu-Devolli 1-0

Shënues: Ukici 35’


Skënderbeu: Dervishaj, Gift, Randi, Vaskuez, Zenullari, Emanuel, Hasa, Baba Musa, Tayo, Çuçka, Ukici. Trajner: Ernest Gjoka.

REZERVA: Alia, Vangjeli, Shaqe, Nasr, Gjini, Janaqi, Gjata, Ilensami


Devolli: Beqiri, Cuko, Pere, Ivani, Kapllani, Demiri, Longo, Ferhati, Fredyy, Staro, Ago. Trajner: Erindi Maneshi

REZERVA: Medolli, Anderson, Jonas, Ivani, Këndezi, Meka, Burimi, Ametlli, Becolli, Fezo


Gjyqtarë: Ervin Kotemelo, Shpëtim Shaholli, Bariokels Hamzaj

 

Ndeshja miqësore mes Skënderbeut dhe Devollit nisi e qetë në stadiumin “Skënderbeu”, nën praninë e pak sportdashësve që ishin vendosur në tribunën qëndrore.


20 minutat e para nuk kanë thuajse asnjë rast, me Skënderbeun që sulmon dhe Devollin që mbrohet.


Miqtë duket që janë të vendosur mirë dhe besojnë më shumë te kundërsulmi, ndërkohë që Tayo, Baba Musa dhe Ukici e Çuçka në vijën e parë të sulmit, marrin pak topa nga reparti i mesit të fushës dhe për pasojë porta e Beqirit të Devollit nuk rrezikohet asnjëherë, madje deri në minutën e 30-të.


Në minutën e 32-të është Fredyy për miqtë që kroson në zonën e Skënderbeut dhe Pere del huq paksa diagonal, kishte mundësi të rrezikonte seriozisht portën vendase.


Duheshin 33 minuta që Skënderbeu të zbriste për herë të parë rrezikshëm. Është Baba Musa që nga e majta e sulmit futet në zonë dhe përballë portierit Beqiri, ja jep topin në duart portierit devolli. Rasti i parë për këtë ndeshje në kaq shumë minuta.


Në të 35-ën minutë është Skënderbeu që shënon. Gift nga e djathta e sulmit kroson në qendër dhe Tayo pasi e stopon ne gjoks ja kalon Ukicit dhe ky i fundit shënon përballë portierit mik. 1-0 për Skënderbeun.


Më pas deri në përfundim të pjesës së parë nuk ka raste dhe 45 minutëshi mbyllet me avantazhin e Skënderbeut 1-0.

 

Pjesa e dytë starton direkt me rast të artë për Skënderbeun për të shënuar të dytin. Është Ukici që kroson nga e djathta në qëndër dhe Çuçka godet shtyllën e djathtë pingule. Shpëton porta e Devollit.


Devolli gabon në të 50-ën minutë me anë të Xhulio Ago që te 5-metërshi gjuan në mënyrë të gabuar jashtë.


E 55-ta minuta është Tayo me kokë për Skënderbeun që gjuan dhe topi përfundon ngjitur me shtullën e majtë pingule të Devollit.


Në të 56-ën minutë Gjoka hedh në fushë, Gjatën, Nasr, Alia, Ilesanmi, Vangjeli, Shaqe, Gjini dhe Janaqi, pra thuajse gjithë stolin.


Më tej loja ka të njëjtin ritëm, ndërkohë që mungojnë rastet për shënim, duke pasur më shumë duele ajrore dhe dyluftime në mesin e fushës edhe pse Skënderbeu kujtohet hera-herës të krijojë ndonjë zbritje por jo të rrezikshme.


6-të minuta nga fundi ka nga një rast respektiv për të dy skuadrat, port ë dy herët topi përfundon jashtë dhe të dy ekipet duket se në fund u pajtuan me këtë rezultat. Skënderbeu fiton testin miqësor ndaj Devollit 1-0, me një gol që në pjesën e parë.  

“KORÇA BOOM”

ree

bottom of page