FT: SKËNDERBEU “kafshon” edhe Ilirinë/ Nasr-Çuçka golat e fitores të Skënderbeut

Skënderbeu-Iliria 2-0

Shënues: Nasr 9’, Çuçka 72’

Skënderbeu: Alia, Vaskuez, Nasr (Gjini 86’), Ukici (Çuçka 58’), Randi, Estrela, Vangjeli, Janaqi (Baba Musa 83’), Abubakar (Emanuel 84’), Shaqe, Tayo (Gjata 58’). Trajner: Ernest Gjoka

Iliria: Xhika, A. Selmani, Stafa, B. Selmani, Arabal (Koleci 22’), Dieye, Mazrekaj (Markoçi 84’), Sejdiu, Mavanga (S. Selmani 69’), Jakubu (Lika 69’), Joel. Trajner: Dritan Smajlaj

Gjyqtar: Laver Alla

Kartonë të verdhë: Çuçka 58’ / B. Selmani, Joel, Petrit Selmani (në stol)

5 minutat e para të ndeshjes fillojnë të qeta dhe pa raste në portat respektive edhe pse Skënderbeu duket se kërkon më shumë, por nuk shkon dot në vijën e 16-metërshit.

Ndërkohë që loja po ecte e qetë, është Skënderbeu që zgjohet. Është Nasr që përfiton edhe nga një gabim i mbrojtes mike dhe shënon golin e avantazhit me një gjuajtje më të majtën. 1-0 për Skënderbeun.

Dy minuta më vonë është po Nasr që për pak sa nuk shënon me rafishatë, por topi përfundon ngjitur me traversën.

Në të 14-ën minutë Iliria shkon në zonën e Skënderbeut, por është Shaqe që ndërhyn saktë dhe e dërgon topin në këndore.

Pas këtij momenti loja komandohet nga Skënderbeu për minuta të tëra, ndërkohë që Iliria e ka të vështirë të dalë në vijën e parë të sulmit. Në minutën e 29-të Iliria fiton një goditje këndi, Jakubu me kokë për pak sa nuk shënon, por gjuan jashtë, duke bërë që Skënderbeu të shpëtojë nga pësimi i golit.  

Skënderbeu ka edhe një rast në minutën e 40-të, Ukici për pak sa nuk shënon, por zihet në pozicion jashtë loje.

Mbyllet pjesa e parë 1-0 për Skënderbeun.

Pjesa e dytë nis pa ndërrime për të dy trajnerët, duke u besuar të njëjtëve lojtarë si Gjoka për Skënderbeun, ashtu edhe Smajlaj për Ilirinë.

Vetëm 3 minuta pas startit të pjesës së dytë është Iliria që shënon, por ka pozicion jashtë loje të dukshëm dhe ngritje takash të Selmanit dhe miqtë e pranojnë menjëherë këtë pozicion jashtë loje.

Skënderbeu shpërdoron rastin më të artë për të shënuar golin e dytë në minutën e 54-ër, teksa Ukici jep një asist për Abubakar që godet përballë portës dhe çuditërisht topi përfundon jashtë.

Një tjetër mundësi e mirë për Skënderbeun në minutën e 65-të, ku Çuçka përballë portës gjuan jashtë, por më pas gjyqtari anësor ngre flamurin duke e zënë në pozicion jashtë loje.    

Skënderbeu zgjohet në minutën e 68-të, teksa Nasr për pak sa nuk shënon, por diagonal bën më të vështirën, duke gjuajtur jashtë edhe pse ishte një rast goli.

Vjen edhe momenti i golit të dytë të Skënderbeut, teksa në minutën e 72-të është Çuçka, që pas një aksioni model të Skënderbeut, shënon golin e dytë dhe thuajse mbyll fitoren në këtë takim.         

Më tej kemi ndërrime të shumta nga të dy ekipet dhe duket se trepikëshi nuk diskutohet deri në fund, pasi Skënderbeu fiton pastër 2-0 dhe ngjitet në kuotën e 7 pikëve me 2 fitore dhe 1 barazim.

Minutat dhe rastet e pjesës së parë

9’ – Tayo hedh një top në qendër të zonës mike, Nasr gjuan me të majtën dhe shënon golin e parë dhe të avntazhit

11’ – Sërish është Skënderbeu që rrezikon me anë të Nasr që me rafishatë për pak sa nuk shënon, por topi përfundon mbi traversë.

29’ – Është Iliria që ka një rast të pastër. Jakubu me kokë pas një goditje këndi dhe topi përfundon mbi traversë, duke bërë që Skënderbeu të shpëtojë nga pësimi i golit të brazimit.

Minutat dhe rastet e pjesës së dytë

54’ – Rast ideal për Skënderbeun. Ukici jep një asist për Abubakar dhe ky i fundit përballë portës bën më të vështirën, gjuan jashtë, sa edhe vetë nuk u beson syve ku e çoi topin.

68’ - Tjetër moment i mirë për Skënderbeun, këtë herë është Saleh Nasr që diagonal bën më të vështirën dhe e dërgon topin jashtë.

72’ – Vjen edhe goli i sigurisë të Skënderbeut. Është Foti Çuçka që pas një zbritjeje të bukur të bardhekuqve gjuan në zonë dhe nuk gabon, 2-0 për Skënderbeun.

81’ – Edhe Gjata provon me gjuajtjen e tij të parë në portën e Ilirisë, por jashtë.

“KORÇA BOOM”