Maks Verstappen fiton Çmimin e Madh të Katarit dhe rikthehet fuqishëm në garën për titull

Maks Verstappen fitoi çmimin e madh të Katarit sot dhe është rikthyer fuqishëm në garën për titullin kampion, ndërsa mbetet edhe një pistë për të vizituar, ajo e Abu Dabit.

Meritë e një gare perfekte të tij u shoqëruan me një gabim të jashtëzakonshëm të skuadrës McLaren. Kjo e fundit dukej në kontroll të plotë të garës, me Piastrin dhe Norris në dy vendet e para dhe me një avantazh të qartë pas pak xhirosh.

Por në xhiron e 8-të, kur u shfaq makina e sigurisë, të gjithë u futën në bokse, përveç dy makinave McLaren. Kjo i dha mundësinë Verstappen të bënte ndërrimin e gomave sipas strategjisë së tij, duke përfituar avantazh.

Falë planifikimit të saktë edhe në ndalesën e dytë, ai mori kreun e garës, duke u shkëputur nga Piastri në vendin e dytë dhe nga Norris, i cili rrëshqiti deri në vendin e pestë, pavarësisht se makinat McLaren dukeshin dukshëm më të shpejta se rivalët.

Norris ia doli në xhiron e fundit të përfitonte nga një dalje e Antonelit para tij për të marrë të paktën vendin e katërt, por nuk arriti të kalonte Sainz, i cili u ngjit në shkallën e tretë të podiumit.

Me vetëm një garë të mbetur deri në mbylljen e sezonit, Norris kryeson kampionatin me 408 pikë, i ndjekur nga Verstappen me 396 pikë dhe Piastri me 392 pikë.

Gjithçka do të vendoset pas një jave në Abu Dabi, ku kombinime të ndryshme mund të nxjerrin secilin prej këtyre pilotëve kampion bote.

"KORCA BOOM"