“Gjithçka duhej të fillonte…” – Niko Peleshi jep lajmin e dhimbshëm për ndarjen nga jeta të vajzës së mikut të tij

Një ngjarje e trishtë ka prekur deputetin dhe kryetarin e Kuvendit, Niko Peleshi, i cili ka ndarë sot me publikun lajmin e ndarjes nga jeta të vajzës së mikut të tij të ngushtë, Joana Qyli.

Përmes një mesazhi prekës në rrjetet sociale, Peleshi ka shprehur dhimbjen dhe ngushëllimet për familjen Qyli, duke përshkruar Joanan si një vajzë të mirë, të ndritur dhe me shpirt të pastër.

“Një lajm i trishtë na ka prekur sot të gjithëve. Joana, vajza e mikut tim Thoma Qyli, u nda nga jeta në një moshë ku gjithçka duhej të kishte filluar,” – shkruan Peleshi.

Në mesazhin e tij, ai thekson se nuk ka fjalë që mund të ngushëllojnë një prind për humbjen e fëmijës, por mendimet dhe lutjet e tij janë me familjen në këtë dhimbje të pamasë.

“Një vajzë e mirë, me shpirt të pastër, e talentuar, me etje për dije, plot dritë dhe jetë. U prehtë në paqe Joana, dhe kujtimi i saj qoftë dritë përjetë,” – përfundon ai.

Lajmi ka shkaktuar reagime të shumta edhe në rrjetet sociale, ku miq, të afërm dhe qytetarë të thjeshtë kanë shprehur ngushëllimet për këtë humbje të rëndë.

“KORÇA BOOM”