HISTORIKE/ Pogradeci në krye. Respekte për këto vajza që kërkojnë titullin!
- Korca Boom
- Sep 28
- 1 min read
Një start në fakt ashtu si e kishin menduar. Pogradeci në volejboll për femra në 3 javët e para kryeson superligën në volejboll për femra dhe në fakt ky është një lajm historik, pasi asnjëherë më parë në volejbollin e femrave pogradecaret nuk e kishin parë veten kaq lart në tabelën e klasifikimit.
Pogradeci kryeson në këto javë me 8 pikë, po aq sa ka edhe Tirana dhe do të thotë se këto dy skuadra do të jenë rivalet e mëdha për titullin kampion.
Në fakt presidenca e ekipit të volejbollit të këtij ekipi ka zhvilluar një merkato cilësore duke afruar lojtare shumë cilësore dhe deri tani edhe pse është vetëm fillimi e kanë këto vajza e kanë shlyer besimin e drejtuesve.
Vetëm një itore 3-2 ndaj Skënderbeut dhe më pas dy fitore të pastra, kanë bërë që Pogradeci të ketë -1 pikë nga 9 të mundshme, gjithsesi rruga është e gjatë deri në fund.
Por këto vajza që shikoni në foton më poshtë kanë treguar se do të kenë festë shumicën e ndeshjeve të këtij kampionati dhe do të pozojnë sa më shumë shkrepje të tilla.
Vërtet një Bravo deri tani për këtë grup lojtaresh dhe stafin teknik. Java e ardhshme e gjen Pogradecin mysafire në Shkodër ndaj Vllaznisë. Ndoshta do të kemi fitoren numër 4-ër në po kaq javë.
Suksese në rrugëtimin e këtij sezoni, Pogradec. Duket se do të jetë sezoni historik për volejbollin e femrave të këtij qyteti.
“KORÇA BOOM”



















