Ish-sulmuesi i Skënderbeut, fiton “Këpucën e Artë” në Kazakistan

Nazmi Gripshi, ish-sulmuesi i Skënderbeut, po jeton momentin e tij më të madh si futbollist. Ai fitoi “Këpucën e Artë” në Premier Ligën e Kazakistanit, duke u shpallur shënuesi më i mirë i kampionatit me 16 gola.

Gripshi luajti 26 ndeshje për ekipin e tij, Astana, duke lënë pas vetëm dy gola sulmuesin e Kairatit, Satpajev. Ky sezon shënon një rritje të ndjeshme për 29-vjeçarin, krahasuar me sezonin e kaluar, kur arriti të shënonte 6 gola në 12 ndeshje.

Sulmuesi nuk u dallua vetëm për golat. Ai ishte i dyti në renditjen e asisteve në ligë, me 7 pasime për gol, vetëm një më pak sesa fituesi Marin Tomasov, gjithashtu nga Astana, i cili dha 9 asiste. Gripshi ishte më i miri edhe për gjuajtjet në kuadrat dhe për penalltitë e realizuara, gjithsej 8.

Megjithatë, ëndrra e madhe e fitores së titullit në Kazakistan nuk u realizua. Në javën e fundit të kampionatit, Astana kishte nevojë për fitore ndaj rivalit kryesor, Kairat, por barazoi 1-1. Gripshi asistoi golin e avantazhit, por vendasit barazuan pas pushimit.

Karriera e Gripshit ka qenë e pasur me trofe. Ai ka fituar titullin në Shqipëri me Skënderbeun, si dhe ka ngritur Kupën në Shqipëri, Kosovë dhe Kazakistan. Ky sezon në Astana, me “Këpucën e Artë” në dorë, është padyshim një nga kulmet e karrierës së tij.

"KORCA BOOM"