top of page

JAVA e derbit juglindor/ Të premten Pogradeci-Skënderbeu kryendeshja e javës së 4-t

  • Writer: Korca Boom
    Korca Boom
  • Sep 15
  • 1 min read

Sot fillon java e “derbit” juglindor Pogradeci-Skënderbeu, teksa kategoria e parë javën e 4-t e ka të ndarë në dy ditë, të premten e datës 19 shtator dhe të shtunën e datës 20 shtator.


Përballja që spikat këtë javë është ajo që luhet vetëm pak kilometra larg Korçës dhe pikërisht në Pogradec. Derbi i Prefekturës Pogradeci-Skënderbeu do të hapë javën e 4-t me ndeshjen e së premtes dhe që do të startojë në orën 16:00.


Një nga përballjet ku të dy skuadrat do të kërkojnë fitoren dhe kjo padiskutim që e bën edhe më të bukur këtë takim të 19 shtatorit. Sigurisht që kjo përballje pritet me shumë interes, pasi priten edhe tifozë të shumtë që do të udhëtojnë nga Korça në drejtim të Pogradecit për të mbështetur skuadrën e tyre të zemrës.


Po të premte luhen edhe dy ndeshjet e tjera, ku Burreli pret Besën dhe Laçi pret Korabin.

Të shtunën në të njëjtën orë luhen 3 ndeshjet e fundit, ku Iliria do të presë Kukësin, Apolonia në Fier pret Kastriotin dhe Luftëtari do të jetë mysafir në Lushnjë.


Më poshtë sjellim 6 çiftet e javës së 4-t të kategorisë së parë:

  

Java 4 Kategoria e Parë

19 shtator 2025 (E premte)

Ora:16:00 Pogradeci - Skënderbeu 

Ora 16:00 Burreli - Besa 

Ora 16:00 Laçi - Korabi 

 

20 shtator 2025 (E shtunë)

Ora 16:00 Iliria - Kukësi

Ora 16:00 Apolonia - Kastrioti 

Ora 16:00 Lushnja - AF Luftëtari

“KORÇA BOOM”

ree

bottom of page