KATEGORIA E PARË/ Skënderbeu e Laçi nuk ndalen, sot 3 ndeshjet e fundit të javës së 4-t

Skënderbeu dhe Laçi kanë vazhduar rrugëtimin e tyre si pretendentë për kthimin e shpejtë në Superiore.

Korçarët kanë dhënë një provë force në javën e katërt të Kategorisë së Parë me fitoren 1-0 në fushën e Pogradecit, ndërsa kurbinasit mundën në shtëpi me rezultatin 2-0 Korabin.

Sa i përket ndeshjes së tretë të luajtur sot, Besa kaloi në avantazh dhe dukej se më në fund do gjente fitoren që i mungonte në startin e kampionatit. Por ajo është përmbysur përsëri në ndeshjen kundër Burrelit, që i mori tre pikët kavajasve.

Sot luhen tre ndeshjet e fundit të javës së katërt, teksa Iliria pret Kukësin, Apolonia pret Kastriotin dhe Lushnja përballet me Luftëtarit.

Të gjitha ndeshjet startojnë në orën 16:00.

Për momentin kategorinë e parë e kryesojnë Skënderbeu dhe Laçi, teksa bardhekuqtë janë në krye me 10 pikë dhe ndiqen nga kurbinasit me 9 pikë. Pavarësisht se janë sot edhe tre ndeshje për tu luajtur sërish kreu nuk do të ndryshojë, pasi të dy kryesueset nuk rrezikohen.

LAÇI-KORABI 2-0

Shënues: 39′ Myrta, 90′ Nerguti

POGRADECI-SKËNDERBEU 0-1

Shënues: 90’+3′ Tajo

BURRELI-BESA 2-1

Shënues: 77′ (p) Xhabrahimi, 90′ Da Silva / 57′ Danaj

20 shtator 2025 (SOT)

Ora 16:00 Iliria - Kukësi

Ora 16:00 Apolonia - Kastrioti 

Ora 16:00 Lushnja - AF Luftëtari 

“KORÇA BOOM”