KATEGORIA E PARË/ Java e 5-të luhet në dy ditë. E gjithë vëmendja në Korçë ku Skënderbeu pret Laçin

Ndërkohë që java e katërt u mbyll ditën e djeshme, java pasardhëse vjen shpejt dhe edhe këtë herë do të luhet e ndarë në dy ditë. Dy ndeshje do të luhen të premten e 26 shtatorit dhe katër të tjerat të shtunën e 27 shtatorit, janë tashmë axhenda zyrtare e kategorisë së parë për javën e 5-të.

E gjithë vëmendja këtë javë të pestë do të jetë në Korçë, teksa të premte më 26 shtator do të kemi duelin e kreut të kategorisë së parë. Skënderbeu-Laçi është dueli i kreut, teksa Skënderbeu mban për momentin vendin e parë me 10 pikë dhe kurbinasit ndodhen në vendin e dytë me 9 pikë. Kjo ndeshje do të luhet të premte në orën 19:00, pra nën dritat e projektorëve.

Skënderbeu do të kërkojë që të konfirmojë se mbetet skuadër e pathyeshme duke kërkuar që të ndalë edhe Laçin dhe të jetë i qetë më pas në krye të kategorisë së parë.

Kjo javë e pestë do të hapet po të premten e 26 shtatorit, teksa në orën 16:00 Besa do të presë Lushnjën.

Pas ditës së parë, të shtunën e 27 shtatorit, do të luhen katër ndeshje në të njëjtën orë, 16:00. Pogradeci që akoma nuk po gjen dot veten do të udhëtojë këtë radhë në Kukës, ku e pret një sfidë e vështirë, ndërkohë që në Gjirokastër Luftëtari vendas do të presë Ilirinë. Kastrioti-Burreli dhe Korabi-Apolonia, janë sfidat përmbyllëse të javës së 5-të.

Më poshtë sjellim edhe axhendën zyrtare të javës së pestë të kategorisë së parë:

Java e 5

26 shtator 2025 (E Premte)

Ora 16:00 Besa-Lushnja

Ora 19:00 Skënderbeu-Laçi

27 shtator 2025 (E shtunë)

Ora 16:00 Kukësi-Pogradeci

Ora 16:00 Luftëtari-Iliria

Ora 16:00 Kastrioti-Burreli

Ora 16:00 Korabi-Apolonia

“KORÇA BOOM”