KATEGORIA E PARË/ Pogradeci humbi dje në Burrel. Sot 4 ndeshjet e tjera. Nesër Skënderbeu për fitore në Fier

Java e 11-të dhe njëkohësisht e fundit e fazës së parë ka startuar ditën e djeshme, ndëkohë që vijon sot me 4 ndeshje të tjera dhe për tu mbyllur ensër me përballjen e fundit të xhiros së parë të kategorisë së parë.

Pikërisht dje në takimin Burreli-Pogradeci, liqenorët kanë humbur shansin më të mirë për tu afruar edhe më shumë me kreun, pasi kanë humbur 2-0 dhe në këtë mënyrë mbeten në kuotën e 18 pikëve, 7 pikë larg kreut që mbahet nga Skënderbeun.

Ditën e sotme luhen shumica e ndeshjeve të javës së 11-të, teksa në orën 14:00 zbresin në fushë 8 skuadra, teksa Besa-Laçi duket se është përballja më e fortë dhe që premton spektakël. Në ndeshjet e tjera, Lushnja pritet të rikthehet te fitorja, pasi pret Ilirinë në shtëpi, Korabi pret Kukësin dhe ndeshja e fundit është ajo mes Kastriotit dhe Luftëtarit.

Java e 11-të mbyllet nesër me ndeshjen e Skënderbeut, teksa bardhekuqtë udhëtojnë drejt Fierit, ku i pret Apolonia vendase dhe objektivi i Skënderbeut është të marë një tjetër fitore që do ta shkëpuste edhe më shumë nga ndjekësit e vet.

Java 11   

(DJE) 07.11.2025

Burreli-Pogradeci 2-0

(SOT) 08.11.2025                                     

Ora 14:00 Besa – Laçi

Ora 14:00 Kastrioti – AF Luftëtari 

Ora 14:00 Korabi – Kukësi

Ora 14:00 Lushnja – Iliria 

(NESËR) 09.11.2025

Ora 14:00 Apolonia – Skënderbeu

“KORÇA BOOM”