Kategoria e Parë: Skënderbeu-Burreli, Ja ora e takimit, përballja kryesore e javës

Jo vetëm Kategoria Superiore, por edhe Kategoria e Parë do të rikthehet fundjavën e ardhshme me ndeshjet e para të sezonit të ri futbollistik. 12 skuadra do të zbresin në fushë me objektiva të qarta dhe me synimin për ta nisur kampionatin me rezultat pozitiv.

Sipas kalendarit të publikuar, të shtunën do të luhen pesë përballje. Katër prej tyre do të zhvillohen në orën 17:00 dhe janë si më poshtë:

JAVA 1

E Shtunë 23 gusht

Ora 17:00 Iliria – Laçi

Ora 17:00 Kukësi – Apolonia

Ora 17:00 Luftëtari – Korabi

Ora 17:00 Besa – Kastrioti

Ora 20:00 Skënderbeu-Burreli

E Dielë 24 gusht

Ora 17:00 Pogradeci-Lushnja

Në mbrëmje, në orën 20:00, vëmendja do të zhvendoset në Korçë, ku Skënderbeu pret skuadrën e Burrelit në një sfidë që pritet me interes nga tifozët vendas, të cilët kërkojnë një rikthim të shpejtë në elitën e futbollit shqiptar.

E diela do të rezervojë sfidën e fundit të javës së parë. Në orën 17:00 do të luhet ndeshja mes Pogradecit dhe Lushnjës, një tjetër përballje me shumë histori mes dy klubeve me traditë.

Ky sezon pritet të jetë mjaft konkurrues dhe emocionues në Kategorinë e Parë, ku disa skuadra kanë investuar ndjeshëm për të arritur promovimin, ndërsa të tjerat synojnë të ruajnë statusin mes më të mirëve të kësaj kategorie.

“KORÇA BOOM”