top of page

Kontrabandë nafte në kufi kapen kontrabandistët

  • Writer: Korca Boom
    Korca Boom
  • Jun 6
  • 1 min read

Në kuadër të masave të shtuara të Policisë Kufitare gjatë sezonit veror, me synim parandalimin dhe goditjen e veprimtarive të paligjshme në pikat kufitare, në Pikën e Kalimit Kufitar të Qafë Thanës, në hyrje të Republikës së Shqipërisë, u kalua për kontroll të detajuar një kamion i drejtuar nga shtetasi E. Q.


Gjatë verifikimeve në vijën e dytë të kontrollit, u konstatua një sasi e konsiderueshme karburanti e fshehur në dy serbatorët e mjetit.


Në përfundim të veprimeve procedurale, specialistët për Hetimin e Krimeve në Drejtorinë Vendore të Kufirit dhe Migracionit Korçë arrestuan në flagrancë shtetasin E. Q., 38 vjeç, banues në Elbasan, për veprën penale "Kontrabanda me mallra për të cilat paguhet akcizë ose me pezullim të plotë apo të pjesshëm nga detyrimet doganore ose të akcizës".


Gjithashtu, sasia e naftës u sekuestrua në cilësinë e provës materiale.


“KORÇA BOOM”


ree

bottom of page