LAJMI I FUNDIT/ Aksident në aksin rrugor Korçë-Ersekë, 2 të plagosur

Aksident në aksin rrugor Korçë–Ersekë, makina del nga rruga dhe përmbyset – Dy të plagosur.

Një aksident rrugor ka ndodhur pak minuta më parë në aksin Korçë–Ersekë, ku një automjet ka humbur kontrollin dhe është përmbysur në anë të rrugës.

Sipas informacioneve paraprake nga vendngjarja, në mjet ndodheshin dy persona, të cilët janë nxjerrë nga shërbimet zjarrfikëse dhe po transportohen drejt spitalit për ndihmë mjekësore.

Policia ndodhet në drejtim të vendit të ngjarjes për të nisur hetimet dhe për të zbardhur shkaqet e aksidentit. Deri më tani, nuk raportohet për rrezik për jetën e të lënduarve.

“KORÇA BOOM”