Me një gol dhe një karton të kuq, Partizani dorëzohet përballë Elbasanit

Surprizë e madhe në javën e katërt të “Abissnet Superiore”. Partizani është mposhtur në shtëpi nga Elbasani me rezultatin minimal 0-1, në një ndeshje që solli jo pak tension për skuadrën vendase.

Në “Arenën e Demave”, goli i vetëm i sfidës u shënua në minutën e 36-të nga sulmuesi Bunjaku, i cili përfitoi nga një moment pasigurie në mbrojtjen e Partizanit dhe çoi topin në rrjetë, duke i dhënë miqve një avantazh që nuk e lëshuan deri në fund.

Për skuadrën kryeqytetase gjithçka u bë edhe më e vështirë në pjesën e dytë, kur Bytyçi mori kartonin e dytë të verdhë në minutën e 59-të, duke lënë të tijët me dhjetë lojtarë për më shumë se gjysmën e pjesës së dytë.

Elbasani shfaqet si surpriza më e këndshme e këtij sezoni deri më tani, duke arritur kuotën e 10 pikëve dhe duke “blinduar” kreun e renditjes. Partizani, nga ana tjetër, mbetet me 4 pikë pas katër javësh dhe aktualisht renditet në vendin e pestë.

“KORÇA BOOM”