Monika Kryemadhi ironizon GJKKO-në dhe avokatin: “Vendimi i Dhomës së Avokatëve nuk bazohet në ligj”

Ish-deputetja e Partisë së Lirisë, Monika Kryemadhi, ka reaguar sërish pas shtyrjes së seancës paraprake në Gjykatën e Posaçme kundër Korrupsionit dhe Krimit të Organizuar (GJKKO). Në një postim në rrjetet sociale, ajo ka shpërndarë një foto me një “mesazh” drejtuar avokatit të saj, Redi Llanaj, duke e përshëndetur me tone ironike.

Seanca e parashikuar për sot u shty sërish, këtë herë për shkak të bojkotit të Dhomës Kombëtare të Avokatëve. Kryemadhi reagoi duke thënë se drejtësia në Shqipëri vijon të funksionojë me “dy standarde”, pasi sipas saj, vendimi për bojkotin nuk është i bazuar në ligj.

Ajo shtoi se është paradoksale që kur avokatët bojkotojnë në mbrojtje të parimeve kushtetuese, pavarësisë së profesionit dhe në solidaritet me gjyqtarët, atëherë bojkoti konsiderohet i ligjshëm, ndërsa në rastin e saj, jo.

Në fund të reagimit të saj, Kryemadhi publikoi mesazhin e plotë:“Avokat Redi Llanaj, të përshëndes! Seanca ime gjyqësore u shty për më 28 tetor, ora 09:00. Gjykata deklaroi: ‘Vendimi i Dhomës Kombëtare të Avokatëve nuk bazohet në ligj.’”

Seanca e radhës do të zhvillohet në fund të muajit, ndërsa mbetet për t’u parë nëse do të ketë një zhvillim të ri në çështjen ndaj ish-deputetes së PL-së.

"KORÇA BOOM"