“Na mbyti era e keqe!”/ Banorët e Pogradecit denoncojnë ndotjen nga ujërat e zeza

Në lagjen nr. 1 të qytetit të Pogradecit është shfaqur një shqetësim serioz për banorët, për shkak të ndotjes që shkaktohet nga një lavazh i pozicionuar në një zonë të banuar.

Sipas banorëve ky lavazh hedh ujërat e ndotura në rrjetin e ujërave të zeza, duke bllokuar vazhdimisht një pusetë aty pranë.

Edhe pse punonjësit e bashkisë kanë ndërhyrë disa herë për pastrimin e saj, problemi rikthehet përsëri, duke krijuar një situatë të rëndë higjieno-sanitare. Era e keqe është bërë e padurueshme në të gjithë lagjen dhe përbën rrezik për shëndetin e banorëve, pasi vendndodhja është në një zonë me qarkullim të lartë këmbësorësh.

Përveç ndotjes, banorët ankohen edhe për zhurmat e vazhdueshme që lavazhi prodhon gjatë gjithë ditës, duke shtuar shqetësimin në një zonë ku jetojnë shumë familje. Ata kërkojnë ndërhyrje të menjëhershme dhe të qëndrueshme nga institucionet përkatëse, për të zgjidhur përfundimisht këtë problem.

Denoncimi i qytetarit:

Pershendetje Joq Albania! Jam nje qytetar i lagjes nr 1 ne qytetin e pogradecit. Doja te ngrej nje shqetesim ne lidhje me ujrat e zeza ne lagjen nr 1 prane nje lavazhoje e cila i hedh ujrat e veta ne tubacionin e ujrave te zeza. Kane erdhur disa here punonjesit e bashkise e pastrojne edhe ikin, por perseri e njejta gje pasi kjo puseta zihet perseri. Na mbyti era e keqe shume e keqe e theksoj kete gje, ne te gjithe lagjen, Mund te jete edhe vater infeksioni pasi aty kalojne shume kalimtare te qytetit. Ujrat ikin poshte dhe shperndahen. Kjo lavazho ndodhet ne zone te banuar edhe banoret shqetesohen edhe per zhurmat qe ajo ben gjate gjith dites. Faleminderit nese e postoni./ Joq Albania

“KORÇA BOOM”