Ngacmoi sek*sualisht pacienten, shkarkohet nga detyra mjeku

Operatori i Shërbimeve të Kujdesit Shëndetësor ka liruar nga detyra mjekun Sinan M., rasti i të cilit u denoncua në emisionin “Stop” ku ngacmonte seksualkisht një paciente.

“Operatori i Shërbimeve të Kujdesit Shëndetësor (OSHKSH) njofton se, pas publikimit të pamjeve filmike në emisionin “STOP”, që tregojnë veprime dhe komunikime të papërshtatshme në ambientet e Qendrës së Mjekësisë Familjare Nr.10, Tiranë, është marrë masa e menjëhershme e lirimit nga detyra të mjekut S.M..

Vendimi është marrë në përputhje me Kodit e Punës dhe Rregulloren e Brendshme të OSHKSH, të cilat përcaktojnë se çdo sjellje që cenon rëndë etikën profesionale dhe parimet e mirëbesimit përbën shkelje të rëndë disiplinore dhe sjell zgjidhjen e menjëhershme të marrëdhënies së punës”, njoftoi OSHKSH.

Kujtojmë se doktori Sinan M. ngacmoi seksualisht një paciente. Gjatë videos së transmetuar gjatë emisionit, ai vazhdoi me një sjellje që e tejkaloi marrëdhënien profesionale mjek-paciente.

Doktori bëri komente me përmbajtje erotike, e ngacmoi fizikisht, i bëri ftesa me nënkuptime seksuale dhe u mundua të krijojë një situatë intime, duke shkelur rëndë etikën profesionale.

Rasti flagrant që trajtohet dje në emisionin “Stop” në Tv Klan lidhet me mjekun e Qendrës Shëndetësore nr.10, Sinan M.

Një qytetare i drejtohet fillimisht një farmacie pranë qendrës për shkak të shqetësimeve shëndetësore, ku takon doktorin, i cili prezantohet si mjek dhe i mat tensionin.

Ai e fton qytetaren të shkojë në qendrën shëndetësore për një kontroll më të plotë.

Qytetarja – Si jeni? Të të pyes, nëse mund të marr ndonjë gjë kështu, se po ndiej si këputje, si aritmi, se këtu po të shkosh te qendra për të bërë vizitë…

Dr. Sinan M – Ta bëj unë vizitën, o goce, s’është problemi aty, se unë jam doktor, po mate njëherë tensionin ta shohim!

Në vizitën e parë doktori tregohet i afërt dhe përpiqet të krijojë raport personal, duke e pyetur qytetaren për jetën private, gjendjen civile dhe origjinën.

Dr. Sinan M – Po mate tensionin njëherë!

Farmacisti – 12, 8 e gjysmë.

Dr. Sinan M – Tani, këtë këputjen, e ke disa ditë?

Qytetarja – U bë nja dy, tre ditë.

Dr. Sinan M – Ju jeni gocë, jeni e martuar?

Dr. Sinan M – S’ka gjë, s’të pyeta më gjatë. Nga ça rrethi vjen?

Dr. Sinan M – 10 me 7 e ke të ulët.

Qytetarja – Është i ulët?

Dr. Sinan M – Regjistroje pak emrin aty kësaj gocës! Vetëm ço të paktën, ço pak këtë këshu! Çoji më rrobat goce, se… Ulu aty, s’ka problem, se s’desha me të shtri! Çoji më rrobat mirë! Ça paske këshu? Si më rrike..! Për momentin, për momentin, nuk shikoj ndonjëgjë.

Thjesht të ka ra tensioni. Nëqoftëse do ndihesh keq, po të jap numrin e telefonit edhe bjeri telefonit. Edhe po qe se ashtu, bëj një serum. Nëqoftëse ti ndihesh keq, edhe thuaj, përmend emrin tim.

Dr. Sinan M – Sinani. Nji Sinan ka këtu.

Në vizitën e dytë, doktori i sugjeron të bëjë check-up falas, duke përmendur emrin e tij. Ai vazhdon me një sjellje, që e tejkalon marrëdhënien profesionale mjek-paciente.

Dr. Sinan M – Si jeni? Mirë? Të ka ra imuniteti. Do bësh një palë analiza gjaku. A do t’i bësh?

Qytetarja – Do i bëj, se…

Dr. Sinan M – Falas i ke! 12 me 9! Je një çikë frikacake. Shtrihu lart! Tani, sa vjeç ishe ti goce?

Dr. Sinan M – XX. Ok! Tani ngjitu pak lart bëj edhe atë check up-in! Për 4 ditë të vijnë në e-Albania. Ti je në punë?

Qytetarja – Po në punë, nga puna u shkëputa.

Dr. Sinan M – Si je me problemet e menstruacionet e kështu gjërash?

Qytetarja – Të rregullta i kam pas.

Dr. Sinan M – Në kuptimin, flas, nuk ke pas ndonjë shqetësim, ndonjë diçka?

Qytetarja – Jo, s’është se kam vënë re ndonjë gjë.

Dr. Sinan M – Ngjitu lart aty vetëm me kartë identiteti! Thuaj jam me doktor Sinanin.

Dakord? Mos e zgjat më muhabetin, jo kështu, jo ashtu!

Në vizitën e tretë, kur ndodhet i vetëm në zyrë, sjellja e tij kthehet në ngacmim seksual të hapur dhe të përsëritur.

Dr. Sinan M – Super korrekte. Të ishe vonu edhe pak…

Qytetarja – Jo, po ngaqë më the pas orës 2 edhe prandaj…

Dr. Sinan M – Kishe marrë…?

Qytetarja – Do flasim për check up-in apo jo? Jo! Jo! Prit njëherë! Po prit, o..!

Dr. Sinan M – Check up-i është ashtu… Tani unë do të them vetëm një diçka.

Dr. Sinan M – Tani, sa kohë ke, që je divorcuar?

Dr. Sinan M – Unë, kur të ftoj, ti e di. Unë nuk të ftoj kot. Unë të ftoj plot. Thjesht, ti m’u duke si e pafajshme, në kuptimin tamam të fjalës. Kur fillove fole pastaj, kuptova, që je për mu. Ja për shembull, tani të ka filluar aritmia menjëherë.

Qytetarja – Doktor! Të lutem! Prit!

Dr. Sinan M – Jo! Jo! Jo, se do pres unë. Unë desha vetëm për aritminë, se të ka filluar pak rrahja e zemrës.

Qytetarja – Po ndoshta nga sikleti tani.

Dr. Sinan M – Hë më, se ça sikleti do kesh ti?! Unë e ti dhe dhoma. Një sekondë! Ulu pak këtu!

Qytetarja – Hë, jo, jo, s’ka gjë! Ja, se unë po ulem këtu!

Dr. Sinan M – Dakord! Atëherë ke një diçka domethënë…

Qytetarja – Po prit! Më lësho dorën!

Dr. Sinan M – Ke ndonjë lidhje?

Dr. Sinan M – Sa u skuqe më… Ç’pate?

Qytetarja – Po tani pata siklet. Nuk e di, se unë erdha për vizitën, thashë do flasim për vizitën, për check up-in, që më the, se s’kisha kohë.

Dr. Sinan M – Jo unë…Flasim pastaj, se check up-in e bëjmë nesër!

Dr. Sinan M – Sot do e bëjmë, të marrësh veten dhe do ta bëjmë. Dëgjo ti je, je me një moshe, që e kuptojmë njëri-tjetrin. Besoj, që ti, nuk është se të ik gjë. Të ka ik gjë domethënë nga ajo pjesa? Nuk të ka ik gjë. Më përpara dhe mund të ketë rrëshket nai gjë./Tv klan

“KORÇA BOOM”