Ngjarje e rëndë në Devoll, identifikohen viktima dhe personi që shkaktoi përplasjen

Një aksident tragjik ka ndodhur në fshatin Vishocicë, Njësia Administrative Devoll, ku një këmbësore 85-vjeçare ka humbur jetën. Viktima është identifikuar si Alide Muka, sipas raportimeve të policisë së Drejtorisë Vendore Korçë

Ngjarja ndodhi rreth orës 14:15, kur një 49-vjeçar me iniciale A. P., banues në Korçë, dyshohet se duke lëvizur mbrapsht me automjetin e tij, ka përplasur viktimën. Si pasojë e përplasjes, e moshuara humbi jetën menjëherë.

Policia ka njoftuar se me drejtuesin e automjetit po kryhen veprimet procedurale, ndërsa grupi hetimor po punon për zbardhjen e rrethanave të sakta të aksidentit.

Ngjarja ka tronditur komunitetin lokal dhe shërben si një paralajmërim për kujdes maksimal gjatë qarkullimit në rrugët rurale, veçanërisht për drejtuesit e mjeteve që lëvizin në zona me këmbësorë.

"KORCA BOOM"