Njoftim i rëndësishëm i klubit “Skënderbeu”/ Fillojnë zyrtarisht punimet!

NJOFTIM ZYRTAR

Klubi Shumësportësh “Skënderbeu” Korçë

Klubi Shumësportësh “Skënderbeu” njofton opinionin publik se kanë filluar zyrtarisht punimet për rikonstruksionin e Pallatit të Sportit “Tamara Nikolla” në qytetin e Korçës.

Ky investim shumë i rëndësishëm synon të kthejë pallatin e sportit në një hapësirë moderne dhe funksionale, e cila do të plotësojë të gjitha standardet bashkëkohore për zhvillimin e aktiviteteve sportive të disiplinave të ndryshme që përfaqësojnë klubin tonë.

Gjatë periudhës së punimeve, ambientet e pallatit do të jenë të mbyllura për publikun, ndërsa aktivitetet sportive do të zhvillohen përkohësisht në hapësira alternative, për të mos ndërprerë ritmin e përgatitjeve të sportistëve tanë.

Falënderojmë të gjithë sportistët, trajnerët dhe tifozët për mirëkuptimin dhe mbështetjen e vazhdueshme.

Jemi të bindur se shumë shpejt Korça do të ketë një pallat sporti model, në përputhje me traditën dhe emrin e madh të Klubit Shumësportësh “Skënderbeu”.

Klubi Shumësportësh “Skënderbeu”

Korçë 12 nëntor 2025

“KORÇA BOOM”