Një tjetër largim nga Skënderbeu, talenti i akademisë transferohet

Një tjetër futbollist i dalë nga akademia e Skënderbeut ka vendosur të vazhdojë karrierën në një klub tjetër.

Sulmuesi 19-vjeçar Fidel Korçari, një nga lojtarët më premtues të ekipit U-19, është larguar nga bardhekuqtë dhe ka firmosur me Kukësin.

Largimi i Korçarit vjen pasi te Skënderbeu nuk ka gjetur hapësirat e nevojshme për të bërë hapin drejt ekipit të parë, ku objektivat e klubit në Superiore kërkojnë lojtarë me më shumë eksperiencë.

Kukësi ka zyrtarizuar sot afrimin e sulmuesit, duke bërë të ditur se palët kanë firmosur një kontratë katërvjeçare.

Për Korçarin, kjo përfaqëson një mundësi të rëndësishme për të fituar më shumë minuta dhe për të vijuar zhvillimin e tij në futbollin profesionist.

“KORÇA BOOM”