Notari Vladimir Mato nderon Pogradecin në maratonën “Idriz Muço” në Sarandë

Notari i njohur pogradecar, Vladimir Mato, ka shënuar një sukses të madh duke fituar vendin e dytë në maratonën kombëtare të notit “Idriz Muço”, e zhvilluar së fundmi në ujërat e Sarandës.

Me përkushtim, përgatitje të gjatë dhe pasion për sportin, Mato arriti të dallojë mes shumë pjesëmarrësve nga i gjithë vendi, duke treguar jo vetëm forcë fizike, por edhe karakter të fortë sportiv.

Ky rezultat është një arritje jo vetëm personale për Maton, por edhe një nder për qytetin e Pogradecit, të cilin ai e përfaqësoi me krenari. Gara “Idriz Muço” është një prej eventeve më të rëndësishme të notit në Shqipëri, dhe suksesi i Matos është dëshmi e nivelit të lartë të sportistëve pogradecarë.

Ky moment frymëzues shërben si motivim për të rinjtë e qytetit që duan të ndjekin rrugën e sportit dhe suksesit në arenën kombëtare.

“KORÇA BOOM”