Nuk është hera e parë që më bullizojnë vajzën, vuante prej kohësh” / Rrëfehet babai i 15-vjeçares që u h*odh nga ballkoni

Një ngjarje tronditëse ka ndodhur në qytetin e Sarandës, ku një vajzë 15-vjeçare u hodh nga ballkoni i banesës familjare. Vajza ndodhet në gjendje të rëndë, por të stabilizuar në spital. Familja e saj thotë se arsyeja pas këtij akti të rëndë është bullizimi i vazhdueshëm që ajo ka përjetuar në shkollë.

Babai i adoleshentes, Arben Cërriku, ka rrëfyer me lot në sy momentet para se vajza të hidhej nga kati i tretë i pallatit, si dhe dhimbjen që familja ka përjetuar.

“Vajza vjen dje nga shkolla, rreth orës 13:30. I thotë të vëllait: 'Nesti, një vajzë dhe një shok në klasë më ofendojnë, më thonë se jam e shpifur'. Vëllai i tha të mos mërzitej dhe se do ta zgjidhnin bashkë,” – tha Cërriku.

Ai tregoi se vajza ishte shtrirë më pas në krevat, ndërsa në banesë ndodhej edhe ish-bashkëshortja e tij, me të cilën ishin përpjekur të qëndronin të bashkuar për mirëqenien e fëmijëve.

“KORÇA BOOM”