Pa frikë ndaj të mëdhenjve! U-19 ndal Aston Villën, Takaj emocionon me mesazhin e tij

Presidenti i klubit "Skënderbeu", Ardjan Takaj, i cili është gjithashtu figura kryesore edhe në drejtimin e Akademisë së klubit, ka reaguar pas barazimit të jashtëzakonshëm të ekipit U-19 ndaj moshatarëve të Aston Villës, kampionëve të Anglisë për të rinj.

Përmes një postimi të shkurtër, Takaj ka shprehur krenarinë dhe mirënjohjen për paraqitjen dinjitoze të skuadrës së të rinjve:

“Rezultat i mirë përballë kampionëve të Anglisë. Faleminderit ‘Ujqërit e Vegjël’ për emocionet dhe rezultatin. Na bëtë krenarë!”

Ky barazim është parë si një arritje e madhe për futbollin e moshave në Shqipëri dhe një sinjal se Akademia e Skënderbeut po kultivon talente me potencial të madh për të ardhmen.

"KORÇA BOOM"