Pa tarifa, pa aplikim, por me skanim gishtash: Shqiptarët në Shengen përballen me sistemin e ri të BE-së

Sistem i ri në kufijtë e BE: Shqiptarët që udhëtojnë në zonën Shengen do të regjistrohen me të dhëna biometrike nga 12 tetori

Ambasada e Bashkimit Europian në Tiranë ka publikuar një njoftim të rëndësishëm për të gjithë qytetarët jashtë BE-së, përfshirë shtetasit shqiptarë, që udhëtojnë për qëndrime të shkurtra në 29 vendet e Zonës Shengen.

Nga data 12 tetor 2025, do të hyjë në fuqi Sistemi i ri i Hyrje/Daljes (Entry/Exit System – EES), i cili ka për qëllim të forcojë sigurinë në kufijtë e jashtëm të Bashkimit Europian dhe të përmirësojë menaxhimin e fluksit të udhëtarëve.

Çfarë do të regjistrohet në kufi:

• Të dhënat nga dokumentet e udhëtimit

• Data e hyrjes dhe daljes

• Të dhëna biometrike: shenjat e gishtave dhe imazhi i fytyrës

A duhet të bëni ndonjë veprim para udhëtimit?Jo. Nuk ka nevojë të aplikoni apo të kryeni ndonjë procedurë paraprake.

A ka ndonjë tarifë?Jo. Ky proces është pa pagesë dhe nuk shton kosto shtesë për udhëtarët.

Sistemi do të zbatohet gradualisht, duke zëvendësuar vulosjen fizike të pasaportave dhe duke lehtësuar kontrollin e qëndrimit në përputhje me rregullat e Shengenit (maksimumi 90 ditë brenda çdo 180-ditëshi).

“KORÇA BOOM”