Pogradeci-Skënderbeu/ Ka të paktën 20 vjet që Pogradeci nuk merr dot as barazimin me Skënderbeun

Të premten në orën 16:00 e gjithë vëmendja e kategorisë së parë do të jetë në Pogradec në derbin juglindor, atë mes Pogradecit dhe Skënderbeut. Sigurisht që përballjet mes tyre gjithmonë kanë qenë dhe janë pritur me shumë interes, ndërkohë që në këtë 90 minutësh të së premtes në orën 16:00, të dy ekipet vijnë me objektivin e vetëm fitoren.

Në prag të kësaj përballjeje po sjellim statistikat që duket se janë të frikshme në përballjet mes tyre. Themi këtë pasi Pogradeci në 20 vitet e fundit nuk ka fituar, ose e thënë ndryshe nuk ka mundur të marrë asnjë barazim me Skënderbeun, qoftë në stadiumin “Skënderbeu”, apo edhe në Pogradec.

Përballja e fundit mes tyre ka qenë për Kupë, ku Skënderbeu e mposhti 3-0 Pogradecin në shtëpi, në atë kohë ka qenë me një përballje.

Në përballjet e tjera mes tyre, si për Kupë, por edhe për kampionat Skënderbeu vetëm ka fituar.

5 ndeshje zyrtare në 20 vjet flasin vetëm për Skënderbeun që i ka shënuar në pesë përballje, 14 gola dhe Pogradeci ka shënuar vetëm 1 gol në potën e Skënderbeut.

Më poshtë sjellim edhe statistikat mes tyre, por Skënderbeu mbetet skuadër e frikshme për Skënderbeun, duke pritur që të shohim atë se çfarë do të ndodhë këtë të premte në Pogradec.

Statistikat e përballjeve mes tyre:

12.11.2020 Skënderbeu-Pogradeci 3-0

12.05.2012 Pogradeci-Skënderbeu 1-3

08.02.2012 Skënderbeu-Pogradeci 3-0

09.05.2009 Skënderbeu-Pogradeci 4-0

14.12.2008 Pogradeci-Skënderbeu 0-1

“KORÇA BOOM”