Prokuroria dhe AMP: Shkelje në detyrë, pezullim për katër efektivë policie

Agjencia e Mbikëqyrjes Policore (Rajoni Durrës - Kavajë), pas një hetimi disa mujor në bashkëpunim me Prokurorinë pranë Gjykatës së Shkallës së Parë të Juridiksionit të Përgjithshëm Durrës, për veprën penale "Shpërdorim i detyrës", parashikuar në nenin 248 të Kodit Penal, ka ekzekutuar masat e sigurimit personal me karakter ndalues “Pezullim i ushtrimit të një detyre a shërbimi publik” ndaj katër punonjësve të policisë.

Komisar A. M., me detyrë shef i Seksionit për Hetimin e Krimeve në Volum në Komisariatin e Policisë Kavajë në kohën e kryerjes së veprës penale, dhe aktualisht me detyrë shef i Seksionit për Hetimin e Krimeve në Volum në Komisariatin e Policisë Divjakë, pranë DVP Fier.

Nënkomisar E. K., me detyrë specialist për hetimin e krimeve në volum në Komisariatin e Policisë Kavajë.

Inspektor R. Ç., me detyrë nënspecialist i policimit në komunitet në Komisariatin e Policisë Kavajë në kohën e kryerjes së veprës penale, dhe aktualisht me detyrë trupë shërbimi i trafikut urban dhe interurban në Seksionin e Qarkullimit Kavajë.

Nënkomisar S. K., me detyrë specialist / koordinator për specialistët e policimit në komunitet në Komisariatin e Policisë Kavajë.

Ekzekutimi i masave të sigurisë u bë i mundur pasi këta punonjës policie, gjatë ushtrimit të detyrës, nuk kanë kryer kontrolle për parandalimin e kultivimit të bimëve narkotike, dhe në zonën e tyre të mbulimit u gjetën të kultivuara 550 bimë narkotike.

"KORÇA BOOM"