Puna e heshtur te Skënderbeu, sulmi në pikëpyetje dhe meraku për sezonin e ri

te skënderbeu po fryjnë erëra të forta ndryshimesh, por jo domosdoshmërisht në drejtimin e duhur, po përballet me një situatë të vështirë në repartin e sulmit. Ajo që fillimisht u duk si një përditësim i zakonshëm merkatoje, po kthehet në një hemorragji të vërtetë largimesh.

pas largimeve të konfirmuara të Rashicës dhe Nikajt, dy nga emrat që kontribuan në fazën ofensive sezonin e kaluar, në horizont po shfaqen dy goditje të tjera të mëdha, Nasr dhe Bismark, burime të afërta me klubin kanë bërë të ditur se largimi i tyre është pothuajse i sigurt.

Nëse kjo ndodh, atëherë Skënderbeu do të mbetet praktikisht pa sulmues të mirëfilltë në skuadër – një skenar që pak javë më parë dukej i pabesueshëm.

Pa një bërthamë sulmuese dhe me sezonin që po afrohet me ritme të shpejta, situata duket më shumë se alarmante.

Ndryshe nga vitet e mëparshme, këtë herë duket se nuk ka alternativa të gatshme brenda grupit, ndaj klubi është i detyruar të ndërhyjë fuqishëm në merkato. drejtuesit kanë nisur që tani kontaktet me disa lojtarë, si në tregun vendas ashtu edhe në atë të huaj, në përpjekje për të mbushur boshllëkun e krijuar.

burime pranë klubit bëjnë të ditur se kërkimi është fokusuar te lojtarë të rinj, me profil të qendërsulmuesit klasik, por edhe me fleksibilitet për të luajtur në krahë. strategjia është e qartë, të ndërtohet një repart sulmues nga e para, por pa bërë kompromise në cilësi. Nuk do të jetë e lehtë, pasi tregu është i ngushtë dhe koha është e kufizuar, por nevoja është më urgjente se kurrë më parë.

Nëse nuk merren masa të menjëhershme, Skënderbeu rrezikon të hyjë në sezonin e ri me një nga repartet më të dobëta sulmuese të viteve të fundit – një rrezik që mund të ndikojë jo vetëm në rezultate, por edhe në moralin e skuadrës dhe pritshmëritë e tifozëve.

Javët në vijim pritet të jenë vendimtare, drejtuesit janë të vetëdijshëm për situatën dhe kanë nisur një garë me kohën për të përforcuar skuadrën. Pyetja që shtrohet tani është, a do të arrijnë të ndërtojnë një repart sulmues dinjitoz, në kohë për fillimin e kampionatit?

“KORÇA BOOM”