Reshje shiu dhe shkarkesa elektrike/Si pritet të variojnë temperaturat për ditën e sotme

Ditën e sotme vendi ynë do të ndikohet nga kushte atmosferike të paqëndrueshme me reshje shiu, fillimisht përgjatë vijës bregdetare e gradualisht në të gjithë territorin.

Reshjet e shiut do të vijojnë gjatë gjithë ditës me intensitet të ulët, në zonën perëndimore e qendrore në pjesën e parë të ditës reshjet parashikohen me intensitet deri mesatar në formë shtrëngatash me shkarkesa elektrike.

Pas orëve të mesditës reshjet e shiut do të vijojnë me intensitet të ulët ndërsa pas orëve të pasdites reshjet do të ndërpriten.

Era pritet të fryjë me drejtim kryesor nga kuadrati i jugut me shpejtësi mesatare 8m/s, ndërsa në zonat luginore dhe përgjatë vijës bregdetare  deri në 16m/s.

Valëzimi në detet Adriatik dhe Jon pritet të jetë i forcës 2-4 ballë.

Temperaturat do të zbresin deri në 8 gradë Celsius në zonat malore, vlerat maksimale do të arrijnë deri në 23 gradë Celsius.

“KORÇA BOOM”