Rita Ora së shpejti në Ohër, ylli shqiptar rikthehet me një spektakël gjigant në skenën e Maqedonisë së Veriut

Rita Ora pritet të ndezë skenën e stadiumit “Biljanini Izvori” në Ohër më 1 gusht, ku do të mbajë një koncert madhështor që pritet të mbledhë mijëra fansa nga Maqedonia e Veriut dhe rajoni.

Këngëtarja shqiptare me famë ndërkombëtare, e njohur për hitet që kanë pushtuar skenat botërore, do të sjellë një performancë të veçantë me një repertor të pasur nga karriera e saj muzikore.

Rita Ora është kthyer në një nga figurat më të njohura të muzikës pop moderne, falë kombinimit të tingujve pop dhe dance, projekteve të ndryshme artistike dhe energjisë së saj të veçantë në skenë.

Në koncert pritet të interpretohen disa nga këngët e saj më të suksesshme, përfshirë “Anywhere”, “Your Song”, “Let You Love Me” dhe shumë hite të tjera që kanë shoqëruar karrierën e saj ndër vite.

Eventi në Ohër konsiderohet një nga koncertet më të mëdha muzikore të verës në Maqedoninë e Veriut dhe pritet të shndërrohet në një nga netët më të rëndësishme për muzikën live në rajon./ Pamfleti

“KORÇA BOOM”