Shembet një urë gjatë trafikut të mëngjesit

Në shtetin Gujarat të Indisë ka ndodhur një aksident tragjik, ku një urë është shembur duke shkaktuar humbjen e jetës së nëntë personave. Ngjarja ka ndodhur mbi lumin Mahisagar, në zonën Padra–Mujpur të rrethit Vadodara.

Sipas autoriteteve, në momentin e shembjes mbi urë ndodheshin disa mjete të transportit, përfshirë makina, kamionë dhe automjete të vogla, të cilat ranë në lumë. Ekipet e emergjencës, përfshirë zjarrfikësit dhe njësitë e shpëtimit, kanë ndërhyrë menjëherë për të kërkuar të mbijetuarit dhe për të nxjerrë trupat e viktimave.

Qeveria e Gujarat-it ka nisur një hetim për të zbuluar shkaqet e shembjes. Ndërkohë, Kryeministri i Indisë dhe Presidentja kanë shprehur ngushëllimet e tyre për familjet e viktimave, dhe janë premtuar kompensime për të prekurit nga ngjarja.

Ngjarja ka rikthyer në vëmendje çështjen e sigurisë së infrastrukturës në Indi, sidomos në urat e ndërtuara dekada më parë që nuk kanë kaluar kontrolle të rregullta teknike.

“KORÇA BOOM”