Shqipëria nën ndikimin e motit ekstrem, reshje intensive dhe borë në veri

Moti i keq me reshje shiu dhe dëbore pritet të përfshijë vendin këtë fundjavë.

Sipas meteorologëve, borë do të ketë në verilindje, në lartësitë mbi 1,000 metra mbi nivelin e detit, ndërsa reshje shiu, deri intensive dhe të shoqëruara me shtrëngata, parashikohen në Shkodër, Lezhë, Durrës, Vlorë dhe Gjirokastër.

Problemet nga intensiteti i shtuar i reshjeve mund të shfaqen kryesisht në dy qarqet e jugut, Vlorë dhe Gjirokastër. Meteorologët parashikojnë se reshjet më intensive do të jenë sot dhe nesër, ndërsa të dielën priten të jenë më të dobëta.

Temperaturat do të bien gradualisht duke nisur nga e shtuna, ndërsa era pritet të jetë mesatare deri intensive në bregdet, duke gjeneruar edhe dallgëzim në det.

"KORCA BOOM"