SKËNDERBEU/ Mario Gjata ai që do të zëvendësojë Bismarkun. Bardhekuqtë mbyllin merkaton në sulm

Skënderbeu ka mbyllur merkaton verore dhe tashmë ky do të jetë grupi i lojtarëve për Skënderbeun të paktën deri në janar të vitit të ardhshëm, kur të ketë përfunduar gjysma e parë e sezonit.

Në fundin e merkatos lëvizjet kanë qenë të shumta, teksa në limit, Skënderbeu huazoi me pagesë Bismarkun te Vllaznia, lojtar që në fakt u përfol shumë për një aktivizim në superior dhe për këtë sezon është pjesë e shkodranëve, ndërkohë që qershorin e ardhshëm do të kthehet sërish te Skënderbeun.

Por me ikjen e sulmuesit nga Gana, Skënderbeu e gjeti menjëherë sulmuesin që do të zëvendsojë Bismarkun. Ai është fieraku Mario Gjata, 1.88 cm i gjatë që do të jetë pyka e sulmuesit të Skënderbeut dhe pritet që të jetë shtyllë në repartin ofensiv.

Gjata ka një përvojë të madhe në Shqipëri me Apoloninë, Teutën, Egnatian dhe së fundi Bylisin, ndërkohë që tashmë është zyrtarisht bardhekuq.

Gjata ishte afrimi i fundit i Skënderbeut në merkaton verore, ndërkohë që orët e fundit të merkatos kujtojmë që u largua edhe Franklin Kamleu, ndërkohë që Marko Ramos u konfirmua si lojtar badhekuq. Këto lëvije sigurisht që e kanë gëzuar së shumti stafin teknik, pasi ekipi tashmë është i kompletuar dhe të gjithë mezi presin të shohin një Skënderbe dinjitoz në këtë sezon në kategorinë e parë dhe të sigurojë sa më shpejt ngjitjen në superiore.

“KORÇA BOOM”