SKËNDERBEU/ Të dielën në Lushnjë, myqeqarët kanë 20 vjet që nuk i mundin bardhekuqtë

Të dielën në orën 17:0 në Lushnjë vendasit presin Skënderbeun, në ndeshjen e javës së dytë të kategorisë së parë. Në javën e parë Skënderbeu fitoi pastër në shtëpi 3-0 ndaj Burrelit, ndërkohë që lushnjarët morrën një barazim me vlera 0-0 në transfertën e Pogradecit.

Të dielën erdhi radha e duelit të parë në transfertë për Skënderbeun dhe është Lushnja stacioni i radhës, ndeshje e cila do të luhet në “Roza Haxhiu” atje ku vendasit e kanë “tabu” Skënderbeun të paktën në bazë të statistikave. Sot po sjellim 10 përballjet e 27 viteve të fundit, pra afërsisht 3 dekadave, teksa fakti më i veçantë është se Lushnja ka plot 20 vjet, pra dy dekada që nuk e mund Skënderbeun.

Fitorja e fundit është ajo e vitit të largët 2005, teksa në atë përballje Lushnja e mundi Skënderbeun 2-1. Qysh prej asaj kohe ka qenë Skënderbeu që ka bërë “ligjin” në “Roza Haxhiu”.

Në total në 10 përballjet e fundit nga viti 1998 dhe deri më sot, Skënderbeu ka arritur të fitojë 5 herë në Lushnjë. 2 ndeshje kanë përfunduar na barazim dhe 3 herë ka fituar Lushnja, por fitoret janë shumë të largëta.

Të shohim të dielën në Lushnjë, ku Skënderbeu përpos statistikave do të kërrkojë të marrë fitoren e dytë në kategorinë e parë edhe pse transfertat janë gjithmonë të vështira, aq më tepër në të tilla kategori.

Historia e përballjeve mes Lushnjës dhe Skënderbeut

18.02.3023 Lushnja-Skënderbeu 0-0

09.05.2018 Lushnja-Skënderbeu 2-4

16.12.2017 Lushnja-Skënderbeu 1-3

15.03.2014 Lushnja-Skënderbeu 2-4

21.12.2013 Lushnja-Skënderbeu 0-1

01.04.2006 Lushnja-Skënderbeu 1-1

12.11.2005 Lushnja-Skënderbeu 2-1

07.04.2001 Lushnja-Skënderbeu 1-2

13.05.2000 Lushnja-Skënderbeu 3-2

14.11.1998 Lushnja-Skënderbeu 5-1

“KORÇA BOOM”