SKËNDERBEU fillon rrugëtimin drejt Superligës të shtunën/ Ja ndeshjet e javës së parë

Edhe 4 ditë na ndajnë nga starti i kategorisë së parë të futbollit, ndërkohë që 6 çiftet e javës së parë tashmë janë zbuluar me ditët dhe oraret që pritet të luhen të ndara në dy ditë. Në këtë mënyrë ditën e shtunë, pra më 23 gusht do të luhen 5 ndeshjet e para dhe vetëm 1 ndeshje do të luhet një ditë më vonë për të mbyllur javën e parë.

Ditën e shtunë në të njëjtën orë, pra në orën 17:00 luhen 3 takime, ku Iliria pret në shtëpi skuadrën që erdhi nga superliga, Laçin. Në Kukës udhëton Apolonia, ndërkohë që Luftëtari që u ngjit në kategorinë e parë pret Korabin dhe Besa pret në shtëpi Kastriotin.

Në orën 20:00 të së shtunës, pra nën dritat e projektorëve do të luhet ndeshja e Skënderbeut i cili pret Burrelin, takim që pritet me interes për vetë faktin se Skënderbeu erdhi nga superliga dhe mezi pret të ngjitet sa më parë, po në superligë.

E vetmja ndeshje që luhet ditën e diel është në Pogradec, ku vendasit, me objektiva madhore këtë sezon, presin në shtëpi Lushnjën, takim që starton në orën 17:00.

Më poshtë sjellim 6 çiftet e javës së parë të kategorisë së parë.

Kategoria e Parë/ Java 1

E shtunë, 23 gusht

ORA 17:00 Iliria - Laçi

ORA 17:00 Kukësi - Apolonia

ORA 17:00 AF Luftëtari - Korabi

ORA 17:00 Besa - Kastrioti

ORA 20:00 Skënderbeu - Burreli

E diel, 24 gusht

ORA 17:00 Pogradeci - Lushnja

“KORÇA BOOM”