Skënderbeu i pandalshëm/ Fitorja ndaj Laçit forcon kreun e renditjes

Skënderbeu vazhdon marshimin e sigurt drejt rikthimit në Superiore. Fitorja e rëndësishme ndaj Laçit ka vulosur dominimin e korçarëve në krye të klasifikimit të Kategorisë së Parë, duke u shkëputur tashmë me 13 pikë dhe duke lënë pas rivalët kurbinas me katër pikë diferencë.

Kjo ndeshje ishte një përballje direkte mes dy ekipeve me objektiva të qarta për ngjitjen në elitë, por Skënderbeu konfirmoi formën e lartë dhe seriozitetin në projektin e rikthimit në Superiore.

Besa dhe Lushnja ndajnë pikët/ Kavajasit mbeten në krizë

Në një tjetër takim të javës, Besa dhe Lushnja u ndanë në barazim 1-1, një rezultat që konfirmon krizën e thellë te skuadra kavajase. Edhe pse luajtën në shtëpi dhe shënuan të parët, vendasit nuk arritën të ruanin avantazhin, duke vijuar kështu ecurinë negative dhe mbetur në zonën e ftohtë të tabelës.

Ndërkohë, Lushnja mori një pikë të vlefshme në transfertë, por mbetet ende larg pretendimeve të sezonit të kaluar.

“KORÇA BOOM”